പ്രകൃതിദത്ത റബർ കർഷകർക്കും കാർഷിക സമൂഹത്തിനും കരുത്തേകുന്നു

റബർ കർഷകർക്ക് കരുത്തായി
കെ ആർ എൽ

റബർ മേഖലയിലെ വെല്ലുവിളികൾക്ക് ശാശ്വത പരിഹാരം കാണുന്നതിനായി കെ ആർ എൽ പ്രായോഗിക മാർഗ്ഗങ്ങൾ നടപ്പിലാക്കുന്നു. റബർ തോട്ടങ്ങളിലെ തൊഴിലാളി ക്ഷാമം, കൃഷിയിലുള്ള ശ്രദ്ധക്കുറവ് എന്നിവ പരിഹരിക്കുന്നതിനായി തൊടുപുഴയിൽ ആരംഭിച്ച മാതൃകാ പദ്ധതി വൻ വിജയമായിരുന്നു. ഉപയോഗിക്കപ്പെടാതെ കിടക്കുന്ന തോട്ടങ്ങൾ പുനരുജ്ജീവിപ്പിക്കാൻ പ്രത്യേക കർമസേനകൾ രൂപീകരിച്ചുകൊണ്ടുള്ള ഈ പ്രവർത്തനം മികച്ച ഫലമാണ് നൽകിയത്.

പുതിയ ടാപ്പിംഗ് തൊഴിലാളികൾക്ക് പരിശീലനം നൽകുക, പരിചരണമില്ലാതെ കിടക്കുന്ന റബർ തോട്ടങ്ങൾ ഏറ്റെടുത്ത് നടത്തുക, ആവശ്യമായ സാമ്പത്തിക സഹായം നൽകുക എന്നിവയായിരുന്നു ഈ പദ്ധതിയുടെ പ്രത്യേകതകൾ. ഇതിന്റെ വിജയത്തെത്തുടർന്ന്, കുടുംബശ്രീ മിഷൻ, പൊതുമേഖലാ എണ്ണ കമ്പനികളുടെ സാമൂഹിക പ്രതിബദ്ധതാ ഫണ്ട് (CSR) എന്നിവയുടെ സഹകരണത്തോടെ സംസ്ഥാനത്തുടനീളം ഈ പദ്ധതി വ്യാപിപ്പിക്കാൻ കെ ആർ എൽ ഒരുങ്ങുകയാണ്. ഏകദേശം 2,400 ഹെക്ടർ തോട്ടങ്ങളെ ഉൾപ്പെടുത്തിക്കൊണ്ട് നടപ്പിലാക്കുന്ന ഈ പദ്ധതിയിലൂടെ ഉൽപ്പാദനക്ഷമതയും ലാഭക്ഷമതയും വർദ്ധിപ്പിക്കാൻ സാധിക്കും.